आर्यनंदी एज्युकेशन अँड रिसर्च फाउंडेशन आयोजित, राज्यस्तरीय शुभमंगल सकल जैन समाज वधू-वर पालक परिचय मेळावा 2025, रविवार दिनांक 17/08/2025 रोजी सोलापूर शहरातील मयूर क्लासिक मल्टीपर्पस हॉल, इंचगिरी मठ जवळ, विजापूर रोड, सोलापूर येथे अतिशय भव्य- दिव्य पद्धतीने पार पडला.

सदर मेळाव्याच्या अध्यक्षस्थानी मा. श्री श्रीकांत काळे, स्वीय सहा. मा. केंद्रीय आरोग्य राज्य मंत्री, भारत सरकार हे उपस्थित होते.

याप्रसंगी उपस्थित मान्यवरांच्या शुभहस्ते प. पू. 108 आचार्य आर्यनंदी महाराजांच्या प्रतिमेसमोर पुष्पांजली अर्पण करून, दिप प्रज्वलन करण्यात आले. मा. श्री किशोरकुमारजी शहा (चेअरमन- चंदूकाका सराफ प्रायव्हेट लिमिटेड) यांच्या हस्ते उ‌द्घाटन करण्यात आला आहे. प्रमुख अतिथी म्हणुन सौ. रूपाली श्रीकांत काळे (संचालक– सिस्माटिका मेकाट्रोनिक्स प्राइवेट लिमिटेड), सौ. नेहा किशोरकुमारजी शहा (संचालक- चंदूकाका सराफ प्रायव्हेट लिमिटेड), श्री मिहीरभाई गांधी (अध्यक्ष- तीर्थरक्षा कमिटी महाराष्ट्र), श्री फुलचंदजी जैन (रवी मसाले), श्री संजय शरदचंद्र गाधी (अध्यक्ष- गांधी नाथा रंगजी दिगंबर जैन जनमंगल प्रतिष्ठान), श्री आशिष कोठारी (जैन सामाजिक कार्यकर्ते, नागेश्वर इलेक्ट्रिक), डॉ. राजेश र. फडकुले (संस्थाध्यक्ष आर्यनंदी परिवार), श्री प्रेमचंद मेने (मेळावा अध्यक्ष), श्री बाहुबली दुरूगकर (मेळावा सचिव) हे उपस्थित होते.

आर्यनंदी परिवाराचे संस्थापक अध्यक्ष डॉ. राजेश फडकुले यांनी कार्यक्रमाचे प्रास्ताविक करताना म्हणाले की, 15 व्या राज्यस्तरीय शुभमंगल सकल जैन समाज वधू-वर पालक परिचय मेळावा 2025 सोलापूर मध्ये होत आहे, राज्यातील विविध भागातून आलेले उमेदवार व त्यांचे पालक या कार्यक्रमास उपस्थित राहून, एकाच छत्राखाली अनेक वधू वर उमेदवार स्थळांची माहिती, माफक दरामध्ये उपलब्ध करून देणे, जेणेकरून सर्वसामान्यांच्या वेळेची व पैशाची बचत व्हावी, हाच या कार्यक्रमाचा हेतू असल्याचे सांगितले, तसेच आर्यनंदी परिवारातर्फे चालविण्यात येणाऱ्या आर्यनंदी नागरी सहकारी पतसंस्था, आर्यनंदी निधी कंपनी, आर्यनंदी एज्युकेशन अँड रिसर्च फाउंडेशन, आर्यनंदी सांस्कृतिक प्रतिष्ठान व आर्यनंदी मासिक या वेगवेगळ्या कार्यरत शाखांची माहिती दिली.

तदनंतर उपस्थित मेळावा अध्यक्ष मा. श्री व सौ. श्रीकांत काळे, मा. श्री सौ. किशोरकुमारजी शहा यांना आर्यनंदी परिवाराचे संस्थापक अध्यक्ष डॉ. राजेश फडकुले यांच्या हस्ते भेट वस्तु, परिचय पुस्तिका, पुष्गुच्छ व पंचरंगी दुपट्टा देऊन सन्मानित करण्यात आले.

त्यानंतर शुभमंगल -सकल जैन समाज वधु वर पालक परिचय पुस्तिका- 2025 चे उपस्थित मान्यवरांच्या शुभ हस्ते अनावरण करण्यात आले.

अध्यक्षीय मनोगत व्यक्त करताना मा. श्री श्रीकांत काळे म्हणाले की, आपला जैन समाज हा अल्पसंख्यांक असून, तो ही विखुरलेला आहे. तेव्हा असे वधु वर पालक मेळावे हे खूप मोलाची भूमिका बजावतात. अशा पद्धतीने वधू वर मेळावे होणे ही काळाची गरज आहे. नेमकी हीच काळाची गरज ओळखून, आर्यनंदी परिवाराचे संस्थापक अध्यक्ष डॉ. राजेश फडकुले यांनी हे खूप मोठे विधायक कार्य हाती घेतले आहे. त्यांच्या या समाजप्रधान कार्यास हार्दिक शुभेच्छा. त्यांच्या आर्यनंदी परिवाराची अशीच भरभराट होवो, ही आर्यनंदी महाराज चरणी प्रार्थना. नंतर सर्व प्रमुख पाहुणे आपले मनोगत व्यत केल्या.

या कार्यक्रमांमध्ये 238 वधू वर व त्यांचे पालक उपस्थित होते. सदर कार्यक्रमांमध्ये चहा, नाश्ता व जेवणाची चोख व्यवस्था करण्यात आली होती. या कार्यक्रमास आर्यनंदी परिवाराचे सर्व सन्माननीय सदस्य आवर्जून उपस्थित होते.

सदर मेळावा व्यवस्थित पार पडण्यासाठी मेळावा सचिव व संस्थेचे उपाध्यक्ष श्री व सौ बाहुबली दुरूगकर, संचालक श्री निलेश एखंडे, श्री प्रवीण बुर्से, श्री व सौ वैभव आहेरकर, श्री मोहनदास गुमते, श्री विलास कटके, श्री अनंत कुमार रणदिवे, सौ अनुपमा रणदिवे, जैन महिला मंडळ, आर्यनंदी पतसंस्थेचे सर्व कर्मचारी यांच्या चोख नियोजनामुळेच हा मेळावा अतिशय नेटकेपणा पार पडला.

कार्यक्रमाचे सूत्रसंचलन सौ. मयुरी आनंद दुरूगकर यांनी केले, तर आभार प्रदर्शन संस्थेचे संचालक श्री निलेश एखंडे यांनी केले.